娜姐胸壓鵬哥

娜姐胸壓鵬哥

娜姐胸壓 鵬哥多個孫女

一連兩場「詹瑞文盧海鵬紅館奇幻扮嘢大典」前晚舉行尾場，性感女神周秀娜和余慕蓮任嘉賓，適逢蔡一傑在台下捧場，化身「蔡一橛（傑）」的娜姐穿白色透視戰衣現身，與詹Sir和鵬哥變身「草泥蜢」勁歌熱舞，娜姐更多番胸壓鵬哥心口和手臂，鵬哥又問娜姐性別，叫娜姐學他除衫證明性別。

詹瑞文寸亞視

之後鵬哥向詹Sir說：「唔好成日（目及）住我細佬（娜姐）喎！」隨即手指向下體說：「你望住我呢個『細佬』就得。」而娜姐在紅館獻第一次，唱《怎麼天生不是女人》，並與舞蹈員跳辣身舞，但有咪嘴之嫌。

詹Sir扮韓國馬舞大叔Psy出場時，即興捉了台下的香港電視老闆王維基上台跳騎馬舞，詹Sir又暗寸亞視：「第二個電視台嗰個老闆都成日跳o架！」王維基尷尬說：「我未攞到牌，我嗰間唔係電視台。」詹Sir續說：「嗰位跳都冇人支持啦。」最終王維基與詹Sir跳騎馬舞，贏得全場掌聲。

盼作巡迴表演

完騷後記者問到鵬哥獲娜姐送波餅一事，他說自己一把年紀皮膚感覺退化，至於娜姐送抱，如孫女攬爺爺一樣。問鵬哥可擔心激嬲蔡一傑？他說：「怕咩？周秀娜扮佢，我係扮『蔡一箸（智）』。」詹Sir希望扮嘢騷會到東南亞及美加做巡迴。對於疑似咪嘴，娜姐坦言：「大家都知我唔係歌手，有緣上到紅館都盡力唱，仲搵老師上堂o架。」